အသံတိတ် နှုတ်ဆိတ် အသတ်ခံရသူများ

ရပ်ကွက်လေး တစ်ခု၏ ဆင်ခြေဖုံး ဆေးခန်းလေး တစ်ခုတွင် ဖြစ်သည်။ ဆရာဝန်လေး တစ်ယောက် နာရီကို ကြည့်လိုက်သည်။ အချိန်ကား အတော် လင့်ချေပြီ။ နာရီ လက်တံကား တရွေ့ရွေ့နှင့် ည ၉ နာရီခွဲသို့ ပြလာသည်။

ဆရာဝန်လေးလည်း ဆေးခန်းပိတ်ဖို့ အကူတပည့်ကိုပြောရင်း လူနာ မှတ်တမ်း စာရွက် စာတမ်း များ၊ ပစ္စည်း များကို သိမ်းဆည်းနေတုန်း ‘‘ဆရာ လူနာ တစ်ယောက် လာ တယ် ကြည့်ဦး မလား’’

အကူကောင်လေးရဲ့ အားနာသောအသံနှင့်အတူ ‘‘ဖြစ်ပါ့မ လား အမေရယ်’’ဆိုသော ကောင်မလေး၏ အသံကို ကြားမိသည်။ ဆရာဝန်လေးလည်း ‘‘ကဲ ညီလေး ရေ ဒီတစ်ယောက်ဆို အစ်ကို ဆက်ကြည့်လိုက်မယ် လွှတ်လိုက်ပါ’’

မကြာပါ။ အသက် (၂၀) အရွယ် မိန်းမပျိုလေး တစ်ဦးနဲ့ အသက် (၅၀) အရွယ် အမေကြီးတို့ရောက်လာသည်။ ၀တ်စားထားသည့် ပုံစံအရ အတန် အသင့် ပြည့်စုံသော မိသားစုကဟု ခန့်မှန်း ရတော့သည်။

ကဲ ‘‘လူနာက ဘယ်သူတုံး’’

‘‘ကျွန်မပါ ဆရာ’’

‘‘ဘာဖြစ်တာတုံး ညီမလေး’’

ထိုအခါမိန်းမပျိုလေးက ရှက်ရွံ့ထိတ်လန့်နေသော မျက်နှာဖြင့် တိတ်ဆိတ်နေတုန်း ‘‘ဒီလိုပါ ဆရာကျွန်မသမီးက သွေးမပေါ်လို့ သွေးပေါ်ဆေး တစ်လုံး လောက် ထိုးချင် လို့ပါ။ ဘယ်လောက် ကုန်ကုန် ကျွန်မပေးနိုင်ပါတယ်’’၊ အမေကြီး ရဲ့ စကားပြောပုံ ပုံသဏ္ဌာန်ကို မကြိုက်။ သို့သော် လူနာကိုတော့ မေးစရာ ရှိတာ မေးရတော့မည်။

ရာသီလာတဲ့ရက်မေးတော့ သူမဖြေတာမူမမှန်တော့။

‘‘ကဲ...ဒါဆို ဆီးစစ်ကြည့်ကြ ရအောင်။ ဆီးစစ်ပြီး ကိုယ်ဝန် မရှိ တာသေချာရင် ကျွန်တော်တို့ အဖြေတစ်ခု ရောဂါနဲ့ ပတ်သက် ပြီး ထုတ်နိုင်မှာပါ’’ ။ ဆရာဝန်လေး စကားဆုံးသော အခါ ကောင်မ လေးက ငိုပါတော့သည်။ ကောင် မလေး အမေ ကလည်း မထူးတော့ဟု ထင်သလားမသိ။

ကိုယ်ဝန်ရှိ နေသည်မှာ သိပါကြောင်း၊ သို့ သော် သမီး၏ ချစ်သူသည် သမီး ကို ထားသွားကြောင်း၊ ယခုလိုဖြစ် တော့ နှမသားချင်း စာနာ၍ ဖြေ ရှင်းပေးစေ လိုကြောင်း ၊ မနစ်နာစေ ရပါကြောင်း ပြောလာပါတော့ သည်။

ဆရာဝန်လေးလည်း သက်ပြင်းချကာ ဖျက်ချဖို့က မဖြစ်နိုင်ပါ ကြောင်း၊ တတ်နိုင်သမျှ မွေးစေလို ကြောင်း၊ လူ့ဘ၀ဆိုတာ ရခဲပြီး လူကြီးတွေ အမှားကြောင့် အပြစ်မဲ့ သည့် ကလေးကို သေစေသည်မှာ မတရား ပါကြောင်း ဖျောင်းဖျဖြစ် သည်။ သို့သော် အမေဖြစ်သူမှာ ကျေနပ်ပုံမရ။ သမီးလက်ဆွဲကာ ပြန်သွား တော့သည်။

ဆရာဝန်လေးလည်း သက် ပြင်းချမိသည်။ ဆရာဝန်လုပ်လာ သည့် လုပ်သက်တစ်လျှောက် တွင် ကလေးရ၍ ပျော်ပါသည်ဆို သော အိမ်ထောင်ရှင်များ၊ အမျိုး သမီးများသည် အလွန်ကိုနည်းပါး လှသည်။ လူတစ်ရာမှာ ၂၀ လောက်သာရှိမည် ထင်ပါသည်။

ထို့အတူ ဆေးရုံ၊ ဆေးခန်းများတွင် ကလေးပျက်ကျ၍လာသည်ဆို သော အမျိုးသမီး ၁၀ ယောက်တွင်ခုနစ်ယောက်သည် ဖျက်ချ၍ ရောက်လာကြခြင်း ဖြစ်သည်။

ဒီ နေရာတွင် ဖျက်ချသည်နှင့် ပျက် ကျသည်ဆိုသော အသုံးအနှုန်းမ တူပါ။ ပျက်ကျသည်ဆိုသည်မှာ ကိုယ်ဝန်သည် တစ်စုံတစ်ခု ပယောဂအား ထုတ်မှုမပါဘဲ ပျက်ကျခြင်း (Misscarriage) ဖြစ်ပြီး ဖျက်ချခြင်း (Abortion) မှာ တစ်စုံတစ်ခု၏ ပယောဂကြောင့် ပျက်ကျခြင်း ဖြစ်ပေသည်။

ဆေးပညာရှု ထောင့်အရ အမေ၏ ကျန်းမာရေးအခြေအနေအရ ကိုယ်ဝန်ရှိလျှင် အသက်အန္တရာယ်ရှိနိုင်သောအ ခါတွင်သော်လည်းကောင်း၊ ကိုယ် ၀န်ဆောင် သန္ဓေသားသည် မိခင် ၏ သားအိမ်ထဲတွင် သေဆုံးခဲ့လျှင်သော်လည်းကောင်း ကလေးကို ထုတ်ပစ်ရသည့်အခါမျိုးလည်းရှိ သည်။

မလိုချင်လို့ ဖျက်ချခြင်း သည် တရားဥပဒေကလည်း ခွင့် မပြု၊ ဆေးပညာရှင်အသိုင်းအ၀ိုင်း ကလည်း မြန်မာပြည်မှာတော့ လက်မခံပါ။

ဒီနေရာတွင် မေးခွန်းမေးစ ရာရှိပါသည်။ ဒါဆို တရားမ၀င် ကိုယ်ဝန်ဖျက်ချတဲ့ ဇာစ်မြစ်က ဘာလဲ၊ ဘယ်လိုတားဆီးကြမလဲ၊ ဘယ်လိုအရေးယူကြမလဲ။ မေး စရာမေးခွန်းပေါင်းများစွာရှိပါ သည်။ သို့သော် ပြဿနာအားလုံး ကို ခြုံငုံသုံးသပ်သော် လိင်ပိုင်းဆိုင်ရာပြဿနာများနှင့် လိင်ပိုင်းဆိုင် ရာပညာပေးမှု အားနည်း ခြင်းတို့ ကြောင့် ဖြစ်သည်။

လိင်ပိုင်းဆိုင်ရာပြဿနာအစ

ချစ်၍ခေါ်ယူလိုက်တော်မူ ခြင်းကအစဖြစ်၍ တဒင်္ဂသာယာ ရာမှ တစ်ဘ၀စာ ပြဿနာများ ဖြစ်လာသည်။ တချို့က ချစ်သူ ထားသွား၍၊ တချို့က အိမ်ထောင် ရှင်များကတော့ ကလေးမလိုချင် သေး၊ အချိန်မတန်ဘဲရ၍ ဖျက်ချ ချင်ကြသည်။ မည်သို့ပင်ဆိုစေ ကာမူ ကာယကံရှင် အမျိုးသမီး အနေနှင့် အသက် အန္တရာယ် စိုးရိမ် ရသည်သာ မက ကလေး မမွေးနိုင် ဘဲ မြုံသွားနိုင်သည့် အခြေအနေ မျိုးများလည်း ရှိပါသည်။

လိင်ပညာပေးမှုအားနည်းခြင်း

အမျိုးသမီးတစ်ဦးအနေဖြင့် မလိုလားအပ်သော ကိုယ်ဝန်ရ လာခြင်းသည် သက်ဆိုင်ရာအမျိုး သမီး၏ အပြစ်သာမဟုတ်ပါ။ ကျူးလွန်သူအမျိုးသားတွင်လည်း အပြစ်ရှိပါသည်။ ကိုယ်ဝန်တား ရာတွင် အဖော်လို့အများသိကြ သည့် ကွန်ဒုံးကိုသုံးခြင်းထက် အ ရေးပေါ်တားဆေးများနှင့် ထိုး ဆေးများကိုသာ အမျိုးသမီးများ က ပိုမိုအသုံးပြုနေကြရသည်ကို တွေ့ရှိရသည်။ သို့သော် ထိုကိုယ် ၀န်တားဆေး၊ ထိုးဆေးများမှာ အမျိုးသားနှင့် အမျိုးသမီးတို့ကို လိင်မှတစ်ဆင့်ကူးစက်ရောဂါ များ (HIV, Syphilis) မှ မကာကွယ်နိုင်ပါ။

မလိုချင်သော်လည်း ရလာသောအခါ

များသောအားဖြင့် ထိုသို့ဖြစ် လာသောအခါ သွေးပေါ်ဆေးများ ထိုးကြခြင်း၊ မိန်းမကိုယ်ယောနိအတွင်းသို့ တယောချောင်းများ ထည့်၍ မွှေ ခြင်း၊ သံချွန်နှင့် ခြစ်ချခြင်းနှင့် ယခု အခါ မိန်းမကိုယ်တွင်းသို့ ဆေး တောင့် ထည့်၍ ဖျက်ချခြင်းများ ပြုလုပ်ကြသည်။

ကလေးအစိတ်အပိုင်းများကျန်ခဲ့သောအခါ သားအိမ်အတွင်း ပုပ်ပွလာပြီး ရောဂါပိုးများပေါက်ဖွားလာကာ သွေးဆိပ်တက်ခြင်း၊ ဖျက်ချစဉ် သားအိမ် အတွင်း သားများသို့ ထိုးမိကာပေါက်ပြဲ၍ ပိုးဝင်ခြင်း၊ သွေးထွက်လွန်၍ အသက်အန္တရာယ်ထိခိုက်နိုင်ခြင်းနှင့်နောက်ပိုင်းကလေးယူသောအခါ ကိုယ်ဝန်မမြဲခြင်းနှင့် အခြေအနေဆိုးရွားပါက အမျိုးသမီးသားအိမ်ပါ ထုတ်ပစ်ရပြီး ကလေးမရနိုင်တော့ခြင်းမျိုးပါ ကြုံတွေ့နိုင်ပါသည်။

ဘယ်လိုသားဆက်ခြားကြမလဲ

အမျိုးသမီးတို့အနေနဲ့ ထို ပြဿနာမျိုးကို ကျိတ်၍ဖြစ်စေ တစ်ဆင့်စကားတစ်ဆင့်ကြားမှ ဖြစ်စေ မဖြေရှင်းဘဲ ကျွမ်းကျင်သူ ဆရာဝန်၊ ဆရာမစသော ကျန်း မာရေးဝန်ထမ်းများနှင့် လိုအပ် သော အဖြေရှာဖို့ တိုက်တွန်းလို ပါသည်။

သားဆက်ခြားရာတွင် မိမိ၏ ရာသီလာချိန်နှင့် ရာသီမှန် ခြင်း၊ မမှန်ခြင်း ကြုံတွေ့နေရ သော ပြဿနာများပေါ် မူတည်၍ သက်ဆိုင်ရာကျွမ်းကျင်သူ ဆရာ ၀န်၊ ဆရာမများမှ သောက်ဆေး ပေးခြင်း၊ ထိုးဆေးထိုးခြင်းနှင့် အ ရေးပေါ် သောက်ဆေးပေးခြင်း များ ပြုလုပ်နိုင်ပါသည်။

သတိပြု ရန်မှာ သားဆက်ခြားဆေးဝါးများ သည် ဟော်မုန်းဆေးဝါးများဖြစ် ၍ အနည်းနဲ့အများဆိုးကျိုးများ၊ ဓာတ်မတည့်မှုများရှိနိုင်ပါသည်။

ထို့ကြောင့် သုံးစွဲ၍အဆင်မပြေ ပါက နီးစပ်ရာကျွမ်းကျင်သူ ကျန်းမာရေးဝန်ထမ်းများနှင့် တိုင် ပင်ကာ အသင့်လျော်ဆုံး နည်း စနစ်ကို ရွေးချယ်နိုင်ပါသည်။

သို့ သော် ထိုဆေးဝါးများသည် လိင်မှ တစ်ဆင့် ဖြစ်တတ်သော ကူးစက် ရောဂါများကို မကာကွယ်နိုင်ပါ။ လိင်ဆက်ဆံနေစဉ် အဖော်လို့ အများခေါ်ကြသည့် ကွန်ဒုံးကို သုံးစွဲကြလျှင်ပို၍ အဆင်ပြေပါ သည်။

ဒီနေရာမှာ လူအတော် များများသိကြသည်မှာ အမျိုး သားသုံးကွန်ဒုံးသာဖြစ်သည်။ သို့ သော် အမျိုးသမီးသုံးကွန်ဒုံးများ လည်း ယခုအခါ အလွယ်တကူရ နိုင်ပါပြီ။

မြန်မာပြည်သည် ဗုဒ္ဓဘာသာထွန်းကားသောတိုင်းပြည် ဖြစ်သည်နှင့်အညီ ကလေးဖျက်ချ ခြင်းကို လုံးဝအားမပေးပါ။ သို့ သော် ခေတ်ရေစီးကြောင်း အပြောင်း အလဲကြောင့် လားတော့ မသိ၊ ကျန်းမာ သန်စွမ်းသည့် မိခင် အရွယ်သေနှုန်းတွင် ကိုယ်ဝန် ဖျက်ချခြင်းကြောင့် သေဆုံးခဲ့ခြင်းသည် အဓိက ထိပ်ဆုံးတွင် ရှိနေ သည်။

ယခုလက်ရှိ တရားဥပဒေ စီရင်ရေး၏ အားနည်းချက်အရ ကိုယ်ဝန်ဖျက်ချပေးသူ ထိုအသံ တိတ်လူသတ်သမားများအား ရုံး တင်တရားစွဲဆိုဖို့ အရေးယူဖို့ရာ လက်လှမ်းမမှီသေးပါ။

ဥပဒေ တွင် အားနည်းချက်များ ရှိနေပါ သေးသည်။ တကယ်တော့ ဖိုမ ဆက်ဆံရေးအရ ပေါက်ဖွားလာ သော အမိဗိုက်ထဲက ကလေး ငယ်သည် အပြစ်မရှိပါ။ ကလေး မရနိုင်အောင် သားဆက်ခြားခြင်း၊ အကာအကွယ်နှင့် ဆက်ဆံခြင်း စသော နည်းများ များစွာရှိသဖြင့် ကလေးမရခင် ကြိုတင်တားဆီး နိုင်ပါသည်။

သို့သော် မည်သည့် အတွက်ကြောင့်ဖြစ်စေ လူ့ဘ၀ ထဲကို မရောက်သေးသော အ ကောင်းအဆိုးအကြောင်းအကျိုး နားမလည်သေးသော ကလေး ငယ်ကို ဖျက်ချပစ်သည်မှာ လူ သားမဆန်ပါ။

အဟိတ်တိရစ္ဆာန် ပင် မိမိ၏ သားသမီးကို အသက် ပေး၍ ကာကွယ်သေးပေရာ တိ ရိစ္ဆာန်ထက် အဆင့်မြင့်သော လူ သားမျိုးနွယ်သည် ကမ္ဘာမီးလောင် သားကောင်ချနင်းသည့် ပုံစံမျိုး မလုပ်သင့်ပါ။

ပုခက်လွှဲသော မိခင်၏ လက်သည် ကမ္ဘာကိုအုပ် စိုးနိုင်ပါသည်။ ထိုသို့အုပ်စိုးနိုင် သော မိခင်တို့၏ ၀မ်းကြာတိုက် တွင် သန္ဓေယူသောကလေးသူ ငယ်တို့သည် နိုင်ငံ့ခေါင်းဆောင် ကြီးများ၊ ဆရာဝန်များ၊ အင်ဂျင်နီ ယာများနှင့် ထွန်းပေါက်မည့် ပုဂ္ဂိုလ် မည်သူမဆိုဖြစ်နိုင်ပါ သည်။ ထို့ကြောင့် အညတရဆရာ ၀န်လေး အနေနဲ့ မိခင်လောင်းများ ကို တောင်းဆိုလိုက်ပါသည်။

သတ္တိရှိရှိရင်ဆိုင်ကြပါ။ ၀မ်း ဗိုက်ထဲက အပြစ်မဲ့ကလေးငယ် များကို ရဲရဲရင့်ရင့် လူ့လောကထဲ ကို ခေါ်လာခဲ့ကြပါ။ ပြီးတော့ ကလေးငယ် အနာဂတ်လေးများ ကို အိပ်မက်တွေမက်စေပြီး တ ကယ်ဖြစ်လာအောင် ဖော်ဆောင် ပေးကြပါလို့ တိုက်တွန်းရင်း နိဂုံးချုပ်လိုက်ရပါသည်။

From : 7 Day daily news By : မောင်ရင်ကောင်း (ဆေး-၂)

Originally published at - http://www.7daydaily.com/story/97282